Previous Page  4 / 12 Next Page
Information
Show Menu
Previous Page 4 / 12 Next Page
Page Background

4

Introductiaon

Chu dotchument-ichin détaïle lé prumier pas pour lé dévlopement d’aen pllàn à

Mauniéres et Mouoyens (‘lé Pllàn’). Chu pas est counaeu coum ‘Guernesi au tems-à-vni’

‘Guernesi au tems-à-vni’ est aen ‘Progrâme pour l’gouvernément’ q’espique par

énne cllaïre langue qui n’est pas brouilli, chu q’l’s Etats fraont. Et pis chenchin cachra

lé dévlopement par les Grànd Coumités és Etats d’laeus prioritaïs et pllàns à iaeus

pour l’baond 2017-2021. Ches-chin sraont ramassaï coum lé ‘Pllàn à Mauniéres et

Mouoyens’ pour l’s Etats à distchutaï à l’Assembllaïe d’s Etats au meis juillet 2017.

Chenchin permettra és Etats d’assigniaï capâbllément les mouoyens publlic limitaï.

Qué s’fait q’nou-z a-t-i besouoïn d’aen Pllàn à

Mauniéres et Mouoyens?

Lé Pllàn nou mourtra énne directiaon et aen lot d’prioritaïs. Il aïgra au

gouvernément, à la coumeunitaï, au tchiaer secteur et au coumaerce à mus pllànaï,

à decidaï chu qui preisse et à arrangié laeus efforts és mouoyen et laong termes.

Chenchin assaeura q’les mouoyens saont plléchi à la bouanne tacque et à la

bouanne haeure pour dgérànti la pus grànd avàntâge

Coum tchi q’nou payera pour l’Pllàn?

Il est métché qué l’s Etats décide éiouq’les mouoyens tapraont sus l’s Ilemans

daove lé millaeu effet au tems-à-vni. Lé Pllàn aïgura à baïllé la prioritaï au travas

naettement et ouvaertément suivànt les bourses en essence. Il est importànt

d’soulignié q’i n’sra ptaête pas métché qué l’Pllàn sé dmente dé neu travas, mais

i soutchiaunra étout la cooperâtiaon et la preisserie du travas en essence qui

soutchiaunt la visiaon à laong terme pour Guernesi.